حوزہ نیوز ایجنسی کی رپورٹ کے مطابق، لکھنؤ/ شب برأت اور ہولی کا تہوار بہت قریب آچکا ہے۔ ملک میں 28 مارچ کو شب برأت کے ساتھ ہولی کا دہن کا انعقاد ہونا ہے۔ ایسی صورتحال میں اسلامک سینٹر آف انڈیا نے منگل کے روز ایک اپیل جاری کی جس میں مسلمانوں کو گنگا جمنی تہذیب کی مثال کے ذریعہ ایک بار پھر خصوصی نگرانی کرنے کی اپیل کی گئی ہے۔اس ضمن میں چیئرمین اسلامک سینٹر آف انڈیا مولانا خالد رشید فرنگی محلی نے عوام سے اپیل کی ہے۔

اسلامک سینٹر آف انڈیا نے 8 نکات والی جو اپیل جاری کی ہے، وہ نکات یہ ہیں۔

1۔ 28 مارچ کو شب برأت ہے اور اسی رات ہولی بھی منائی جائے گی لہذا تمام لوگوں کو سمجھنے اور احتیاط کے ساتھ کام کرنا چاہئے۔

2۔ کہیں بھی 4 سے زیادہ مرد جمع نہ ہوں۔

3۔ قبرستان میں ماسک اور معاشرتی دوری کا خاص خیال رکھیں۔ آتش بازی اور دیگر بیکار کام نہ کریں

5۔ اگلے دن 29 مارچ کو روزہ رکھیں۔

6۔ اس وبائی بیماری کے خاتمہ کے لئے افطار اور سحری میں خصوصی دعا کریں۔ شعبان کا پورا مہینہ بڑا مبارک ساعتوں کا ہے لہٰذا زیادہ سے زیادہ خیرات کریں۔

7۔ شب برأت کے موقع پر غریبوں اور بیماروں کا خیال رکھیں۔ ضرورتمندوں کی ہر ممکن مدد کی کوشش کریں۔

8۔ کووڈ ۔ 19 وبا کے درمیان 10 سال سے کم عمر کے بچوں اور 60 سال سے زیادہ عمر کے لوگوں کو قبرستان نہیں جانا چاہئے۔